Ish-kryetari i Lëvizjes Vetëvendosje, Visar Ymeri ka thënë se është i gatshëm që në të ardhmen të bashkëpunojë me Lëvizjen Vetëvendosje, pasi siç deklaroi ai, partia e re që do ta formojnë të dorëhequrit nga VV-ja ka ngjashmëri me partinë e Albin Kurtit.

Në një intervistë për Top Channel, Ymeri nuk e përjashtojë mundësinë që në të ardhmen të bashkëpunojë me VV-në.

“Mendoj që po, një bashkëpunim me Lëvizjen Vetëvendosje do mund të ketë dobi për Kosovën sepse kemi shumë ngjashmëri”, ka thënë Ymeri.

Ymeri është shprehur se partia që do të formojnë të dorëhequrit do të ketë prirje social-demokrate, ashtu siç ka edhe Lëvizja Vetëvendosje.

Ndërkaq, shefi i grupit parlamentar të Lëvizjes Vetëvendosje, Glauk Konjufca ka thënë se është i bindur se kushti esencial për ndarjen e Lëvizjes nga të dorëhequrit kishte qenë mos ardhja e Kurtit në krye të VV-së.

“Unë jam shumë i bindur që e kam kuptuar drejte, dhe kushti esencial për ndarjën e VV-së është mos ardhja e Albinit në krye të Lëvizjes Vetëvendosje”, ka thënë Konjufca.

Ai ka përmendur “muajin e rëndësishëm” në të cilin kishin biseduar me Ahmetin për të dy grupet, dhe për Konjucën ishte gjithçka e qartë se pa kënaqësine e tyre për të gjitha çështjet tjera ishte shkas që ata deputetë të jepnin dorëheqje.